Indietro

ⓘ Metropolitana de Milan



Metropolitana de Milan
                                     

ⓘ Metropolitana de Milan

La metropolitana de Milan a lè ona red de lign metropòlitan a servizzi de la cittaa Milan e del sò retro-terra, assa portanta de la sò red de strapòrt publegh.

La red lè a componnuda de quatter lign, ognuna di quaj la ghha el sò color caratteristegh: la rossa M1, inaugurada in del 1964, che a lè la segonda linia de metropolitana dervida in Italia, la verda M2, inaugurada in del 1969, la gialda M3, inaugurada in del 1990 e la lilla M5, inaugurada in del 2013. Al dì dincoeu, a hinn dree a còstruì anca la bloeua M4, intant che a hinn dree a finì el slongament de la rossa vers la Bettola. El sistema el ghha 113 stazion, 95 di quaj a hinn sòtta-terra. El gestor de la red, che, al 2016, a lè la pussee longa de lItalia, a lè l Azienda Trasporti Milanesi ATM, menter el costruttor a lè la societaa Metropolitana Milanese.

El progett architettonigh, faa dal Franch Albini e da la Franca Helg, e la sò segnaletega, pensada dal Bob Noorda, hann rezevuu in del 1964 el premi Compass dor.

                                     

1. Red

La red metropolitana de Milan a lè componnuda de quatter lign:

Tutt i lign a hinn sòtta-terra, foeura la banda setentrionala de la M2 e l ramm de Assagh. A ghhinn des stazion de scambi:

I lign a hinn in del territòri del comun de Milan per l80% de la longhezza totala con 75 stazion. A bòn cùnt, a hinn servii anca alter vundes comun: Assagh, Busser, Cassina de Pecci, Cernusch, Cològn, Gessaa, Gorgonzoeula, Per, Rò, Sest San Giovann e Vimodron. El sistema de metropolitana a lè conligaa cont i lign S del servizzi suburban de Trenord, con dodes stazion de scambi.

                                     

2. Stòria

I primm progett per ona linea de la metropolitana a Milan ghhann de vess cercaa in del 1912, cont el progett de lingegnee Evaristo Stefani che lha progettaa la ferovia sotterania da Milan a Monscia de larchitett Carlo Broggi che lha progettaa ona linea che la doveva giontà Lorett a San Cristofen. El comun de Milan ha fissaa el termin di lavô a marz 1913, ma però a lè staa faa nagott fin al 1938. In questann chì, ghè staa progettaa la costruzion de sett lign ma a causa de la segonda guerra mondiala e la mancanza de danee anca quell progett chì lè staa fermaa.

El 3 de luj del 1952 lamministrazion comunala lha votaa on progett don sistema de metropolitana e l 6 de otober 1955 lè stada fondada ona noeuva compagnia, Metropolitana Milanese, che la doveva controllà la costruzion de la noeuva infrastruttura El progett lè staa pagaa del Comun 250 milion de franch e alter 250 milion hinn staa daa cont on prestit. La costruzion a lè partida el quater de magg 1957 dal Vial Monte Rosa. I stazion hinn staa disegnaa del studi di architett Franch Albini e Franca Helg, menter i segnaj e i indicazion a hinn staa disegnaa del Bob Noorda: per el progett, Albini-Helg e Noorda hann vinciuu el premi Compass dOr.

El primm tòcch de la linea rossa da Lotto a Sest Marelli 21 stazion e 12.5 chilòmeter a lè staa dervii el primm de november 1964, depos sett agn de lavor In quell ann chì, a hinn staa scominciaa anca i lavô de la linea M2. I gent che doperaven el sistema a lè cressuu semper pussee, e di 37 milion del 1965 a sè passaa a avegh 61 milion del 1969.

La linia verda da Caiazz a Cassina Goeubba 7 stazion ha dervii cinch agn pussee tard. In di agn 60 e 70, la red la ghaveva duu lign finii e alter duu lign eren anmò dree a vess completaa. El sistema de metropolitana a lè andaa a ciappà el post di tram interurban de la Società Trazione Elettrica Lombarda, in particolar la linia M2 per Gessaa.

El primm tòcch de la terza linia la gialda, cont cinch stazion, a lè staa dervii el 3 de magg 1990, depos noeuv agn che i lavô a eren scominciaa. La linia a lè staa dervida apena prima di mondiaj Italia 90. Alter noeuv stazion de la linia M3 a hinn staa dervii in del 1991 e la stazion de Maciachini lè stada dervida in del 2004.

La stazion de Piaza Biagrass, el tòcch meridional de la linia M2, a lè stada dervida in del marz 2005, e i stazion de Rò Fera de Per a hinn staa dervii in del desember 2012. El tòcch setentrional de la linia M3, fin la Comasina cont quatter stazion, e l tòcch meridional de la linia M2, fin a Assagh cont duu stazion, a hinn staa dervii in del principi del 2011.

El 16 de luj 2012 a hinn staa scominciaa i lavô del tòcch Linaa Aeropòrt-Forlanin per la noeuva linia M4.

Depos avè remandaa pussee dona voeulta e depos 23 agn da lavertura de lultema noeuva linia, el 10 de fevree 2013 a lè stada inaugurada la linia M5, dervida depos squas 7 agn de lavô, scominciaa el 16 de luj 2007. I lavô per la segonda banda dal Vial Zara a Garibaldi a eren staa scominciaa semper in del 2007, menter quej de la terza banda da Garibaldi a San Sir Stadi a eren scominciaa in del 2010. El primm tòcch, che l ghaveva sett stazion e ona longhezza de 4.1 chilòmeter. El primm de marz, la linia M5 a lè rivada la stazion de Garibaldi, menter el 29 de april 2015 a lè rivada a San Sir Stadi: la fin la linia a lè deventada longa 12.9 chilòmeter e la ghaveva 5 stazion pussee. I alter stazion che mancaven in del ramm Garibaldi-San Sir a hinn staa inauguraa intra el mes de giugn e ottober del 2015, menter lultema stazion, quella de Trii Torr, a lè stada inaugurada el 14 de noember 2015.

                                     

3.1. I lign Linia M1

La linia M1 de la metropolitana de Milan la conliga la cittaa dal nord-est, cont el capo-linia a Sest Primm de Magg in del comun de Sest San Gioann, al nord-ovest cont el capo-linia a Rò Fera o al sud-ovest cont el capo-linia a Bisceglie.

La linea 1 a lè ciamada anca "linia rossa" perchè, sora i mapp, la linia a lè colorada de ross. Anca in di stazion e sora i treni de la linia el ross a lè l color pussee doperaa.

Ai stazion de Lorett de Cadorna a ghè linter-scambi cont la linia M2, la stazion del Domm a ghè linter-scambi cont la linia M3 e la stazion de Lòtto cont la M5.

A ghhinn di interscambi anca cont ona quaj stazion feroviaria, comè la stazion de Sest San Giovann lign suburban S7, S8, S9 e S11 e tren regionaj, la stazion de Milan Porta Venezia lign S1, S2, S5, S6 e S13, la stazion de Milan Cadorna lign S3, S4 e tren regionaj e la stazion de Rò Fera lign S5 e S6, tren regionaj e nazionaj.

                                     

3.2. I lign Linia M2

La linia M2 de la metropolitana de Milan la và dal nord-est da Cològn Nòrd putost che da Gessaa a sud a Piaza Biagrass putost che a Assagh.

La linia M2 a lè anca ciamada "linia verda" perchè a lè segnada, in sui mapp cont, el color verd. El verd a lè ancasì el color pussee doperaa in di stazion e sora i treni de la linia.

La incontra i lign M1 a Lorett e a Cadorna, M3 la Centrala e M5 a Garibaldi.

A ghhinn di inter-scambi anca cont ona quaj stazion feroviaria, comè la stazion de Lambraa linia S9, tren regionaj e nazionaj, la stazion Centrala lign regionaj, nazionaj e internazionaj, la stazion de Milan Porta Garibaldi, la stazion de Milan Cadorna lign S3 e S4 e tren regionaj, la stazion de Milan Porta Genoa tren regionaj e la stazion de Milan Romol linia S9.

                                     

3.3. I lign Linia M3

La linia M3 de la metropolitana de Milan la conliga la cittaa dal nord, cont el capo-linia la Comasina in del comun de Milan, al sud-est, cont el capo-linia a San Donaa al confin meridional del comun de Milan, arent al comun de San Donaa.

La linia M3 a lè anca ciamada "linia gialda" perchè, in sui mapp, la linia a lè colorada de giald. Anca in di stazion e sora i treni de la linia el giald a lè l color pussee doperaa.

Ai stazion del Domm a ghè linterscambi cont la linia M1, la stazion de la Central cont la linia M2 e la stazion del Vial Zara cont la linia M5.

A ghhinn di inter-scambi anca cont divers stazion feroviari, comè la stazion de Affer lign S2 e S4 e tren regionaj, la stazion de Milan Porta Venezia lign S1, S2, S5, S6 e S13, la stazion de Milan Central lign regionaj, nazionaj e internazionaj, la stazion de Milan Republega lign S1, S2, S5, S6 e S13, la stazione de Milan Porta Romana linia S9 e la stazion de Rogored.



                                     

3.4. I lign Linia M5

La linia M5 de la metropolitana de Milan la conliga la cittaa dal nord, cont el capo-linia in via Bignami in del comun de Milan, a lovest, cont el capo-linia a San Sir Stadi. A lè la prima linia metropolitana de Milan che la và minga denter i Bastion e nanca denter el center storegh de la cittaa.

La linia M5 a lè anca ciamada "linia lilla" perchè, in sui mapp, la linia a lè colorada de lilla. Anca in di stazion e sora i treni el color pussee doperaa a lè l lilla.

la stazion del vial Zara a ghè linterscambi cont la linia M3, la stazion de Garibaldi cont la linia M2 e la stazion de Lòtto cont la M1.

Ghhinn inter-scambi cont i lign suburban S1, S2, S5, S6, S7, S8, S11 e S13, i lign regionaj, nazionaj e internazionaj la stazion de Milan Porta Garibaldi e cont i lign S3 e S4 e i treni regionaj la stazion de Milan Domodossola.

                                     

4.1. Servizzi Biliett

On biliett per la zona Mi1 e Mi3, ciovè la città e lhinterland, in del 2019 el costa 2€ euro e l var per i corrier, i tram, i lign S e M. I abonament urban Varen domà dent al comun de Milan limet de tariffa urbana. Se poden comprà anca alter tip de biliett, comè quej 24h, 48h e per la nocc. El cost di biliett inter-urban che a hinn i biliett per andà foeura del limet de tariffa urbana varien di viagg che se voeuren fà.

A partì dal primm de fevree 2011 a hinn intraa in vigor i noeuv tariff integraa, ciamaa IoViaggio Ovunque in Lombardia, che fan viaggià sora tutt i mezz de straport de la Lombardia cont on prezzi fissaa. Labbonament chì el pò vess giornalier, pluri-giornalier duu, trii o sett dì, mensil, trimestral e annual.

                                     

4.2. Servizzi Orari de avertura

El servizzi el scomincia a i ses or de la matinna e l finiss la mezzanocc e mezza. La domenega e in di dì de festa, el servizzi el scomincia pussee tard e l finiss ancamò pussee tard, in baa a locasion. Per el servizzi de nocc in di fin de settimanna a vegnen doperaa corrier che fann el percors istess se fermen in di stazion istess de la metropolitana.

                                     

4.3. Servizzi Freguenz

I freguenz di treni a vann, in di vor de ponta, di duu megnuu de la M1 ai trii megnuu de la M3; in di diramazion de la M1 de la M2, la freguenza lè la mitaa di freguenz del tocch centraj. I freguenz de la M5 lè de trii megnuu in di vor de ponta de quatter megnuu foeura di vor de ponta. In di vor che hinn minga de ponta la freguenza lè dimezzada. La freguenza la muda anca a segonda se lè estaa o inverna.

                                     

4.4. Servizzi Red de nocc

A partì del 2012, a lè in servizzi la red de nocc che l sostituiss el servizzi de metropolitana. La red che la quatta el servizzi de mezzanott fina ai ses or de la matinna de venderdì, sabet e domenega, la ghha chi lign chì:

  • N de San Donaa la Comasina
  • N de Q.re di Olmi Bisceglie a Cairoli
  • N de Sest I Magg a Molin Dorin
  • N de Cassina Goeubba a Piazza Biagrass
                                     

5.1. Caratteristigh tecnigh Scartament

El scartament di binari a lè per tucc i lign de 1435 millimeter, che a lè linscì ciamà "scartament normal".

                                     

5.2. Caratteristigh tecnigh Alimentazion

I lign M2 e M3 a doperen lign aerei de contatt per alimentà i treni cont onenergia elettriga de 1500 volt. La linia M1, elettrificada a 750 volt, la dopera el sistema de la quarta rodaja, anca se in del tocch da Pasteur a Vila San Gioann a ghè la linea aerea, inscì che anca i treni de la M2 e M3 poden andà al deposet de Precott. La linia M5 la dopera onalimetazion a terza rodaja.

                                     

5.3. Caratteristigh tecnigh Informazion ai passegger

In tucc i stazion a ghhinn i scherm a LED che fan vedè la destinazion e l temp de spetà el treno che l riva; a ghè anca ona vos registrada che la dis el nomm de la stazion ai passegger. Sora i treni pussee noeuv, i Meneghin e i Leonardo, a ghhinn scherm LCD e ona vos registrada la dis tucc i annunz in talian e ingles.

I segnaj e lallestiment di stazion de la metropolitana, che a hinn staa inventaa, in del 1964, cont linaugurazion de la M1, a hinn vun di over de comunicazion visiv pussee important a livel mondial, al pont che a hinn staa imitaa da i metropolitan de tutt el mond. El Bob Noorda e l Franch Albini, che a hinn i inventor de questi segnaj de lallestiment chì, ghhann vinciuu el Premi Compass dOr in del 1964.

                                     

5.4. Caratteristigh tecnigh Quattadura telefonega

A partì del desember de 2009, despoeu de duu agn de lavô, tucc i stazion de la red de la metropolitana de Milan a hinn quattaa cont la red UMTS.

Al principi del 2008, a lè partida anca la quattadura HSDPA, cont la tecnologia RF Over Fiber. I operador che hann partecipaa la quattadura hinn TIM, Vodafone, Wind e 3. El 21 de desember 2009, la quattadura de la red HSDPA a lera del 100% in su tucc i lign e per tucc i operador telefonegh. I operador telefonigh TIM e Vodafone quatten tucc i galeri di metropolitan anca cont la noeuva tecnologia 4G LTE.

                                     

6.1. Progett Linia M1

Anca se l saria dovuu vess finii in del 2009, a partì dal 2012 hinn dree a laorà per el slongament vers nòrd de la M1 cont on tòcch de circa duu chilòmeter e duu noeuv stazion: Restellon e Bettola. Lassessor regional lombard ai infrastruttur, el Raffael Cattaneo, ha dii, in ona dichiarazion, che la fin di lavô a lè spetada per el 2015, tutavia lavertura di duu noeuv fermad a lè preveduda per el 2017. A lè anmò in faa de progettazion on alter slongament de la linia dent el comun de Monscia, cont la fermada Fossati Lamperti, che la se doerïa trovà intra la via Francesch Guerrazzi e la via Carl Goldoni.

La ghè anca ona proposta de slongà de 3 chilòmeter la linia M1 da Bisceglie a Bagg, cont ona fermada in mezz, Valsesia.

                                     

6.2. Progett Linia M2

A lè dree a vess completaa, segond la societaa Metropolitana Milanese, el progett definitiv in des agn del slongament in direzion nord-est, da Cològn Nòrd a Vimercaa, cont fermaa in mezz a Brughee, Carugaa, Agraa Colleoni, Concorezz e Vimercaa Torr Bianch. El tocch chì el sarà sòtterranei per l83% del sò percors.

In del 2009 a lè staa completaa el studi de fadabilitaa per el slongament de 1.200 meter da Gessaa a Cassina Pignon, ma lagn apôs, a lè partii el studi de fadabilitaa per el slongament da Gessaa a Trezz ; i quater fermaa da fà a hinn Cassina Pignon in del comun de Inzagh, Basian, Trescian e Trezz. La Fondazione Cariplo ha stanziaa 70.000 euro per el primm studi e la Provincia de Milan ha promettuu alter danee.

A lè in studi dal 2012, lipòtes de lavertura de onaltra fermada in del comun de Cernusch, sora la diramazion per Gessaa: el se tratta de la fermada de Malghera. In di progett origenaj di lign celer de lAda, la fermada la se ciamava Cassina Molinett. Alter propòst a tornen a vardà slongament oltra Piazza Biagrass e Assagh Forum.



                                     

6.3. Progett Linia M3

Segond Metropolitana Milanese Spa, a lè dree a vess completaa el progett definitiv per el slongament vers sud che l conligherà San Donaa a Paù. In del progett a ghhinn ses stazion in mezz ciamaa San Donaa Center, Peschera Center, Peschera Est Pantigliaa-Mediglia, Careppi Cerca, Paù Center e Paù Est. I primm trii stazion ghhann de vess sòtta-terra, i alter sora la superficia. Tutavia, a lè possibel che la banda la sarïa fermada a Peschera Est a causa del baa numer de passegger che dopererïen el slongament chì.

                                     

6.4. Progett Linia M5

Segond Metropolitana Milanese Spa, a lè dree a vess completaa duu progett definitiv: vun per el slongament vers a òvest, vers Settim cont lavertura de quatter stazion, e a nòrd, vers Cinisell Balsom la Bettola, indue ghe sarà linter-scambi cont la M1, e poeu cont alter quatter fermad fin la Villa Reala de Monscia.

                                     

6.5. Progett Linia M4

La linia M4 de la metropolitana de Milan, che a lè dree a vess costruida, la conligarà la cittaa da est, cont el capo-linia a Linaa Aeroport, a sud-ovest, cont el capo-linia a San Cristofen.

La linia M4 la sarà ciamada anca "linea bloeua" perchè in sui mapp la linia la sarà colorada de bloeu. Anca in di stazion e in sui treni de la linia el bloeu el sarà el color pussee doperaa. Tutavia, si come l color chì a lè doperaa in sui mapp per indicà el passant feroviari de Milan, a sè dree a pensà de doperà on alter color comè loransg.

La linia la incontrarà la M1 la stazion de San Babila e la linia M2 la stazion de Sant Ambroeus. Anca se el sò percors la incrocia quell de la linia M3 intra i stazion de Santa Sòfia e Sfòrza-Policlinigh, el ghe sarà minga on inter-scambi.

Ghe saran anca inter-scambi cont i lign feroviari la stazion de Piazza Dateo lign suburban S1, S2, S5, S6 e S13, la stazion de San Cristofen linia S9 e tren regionaj e la stazion de Forlanin lign S5, S6 e S9, che al dì dincoeu a lè dree a vess costruida. La, oltra, ghavrà anca linter-scambi cont laeropòrt de Milan-Linaa.

I lavô per costruì el tocch Linaa Aeroport - Forlanin hinn scomincià el 19 de luj 2012., menter quej per la banda Forlanin-Tricolor a hinn scomincià el 19 de sgenee 2015. Al dì dincoeu, lavertura de tuta la banda a lè preveduda per el 2022.



                                     

7. La metropolitana milanesa in del cinema

Nel cors del temp, Milan a lè stada scernida comè ambientazion de ona centenna de pellicol, e inevitabelment anca la metropolitana de Milan a lè stada doperada comè longazion don quaivun comè, per esempi:

  • Eccezzziunale. veramente 1982
  • Milano calibro 9 1972
  • Bingo Bongo 1982
  • Storia di Anna 1981
  • Anni 90 - Parte II 1993
  • Mani di velluto 1979
  • La polizia ha le mani legate 1975
  • Il ras del quartiere 1983
  • Piedipiatti 1991
  • Yuppi du 1975
  • Anni 90 1992
  • 4 mosche di velluto grigio 1971
  • Morte sospetta di una minorenne 1975
  • Nati stanchi 2001
  • I fichissimi 1981
  • Capriccio allitaliana 1968
                                     

8. Ligamm de foeura

  • IT La metropolitana di Milano
  • IT Architettura e metropolitane
  • IT Le mappe della metro dalla prima alla più recente sito amatorial
  • IT Sito ufficiale ATM
  • IT Pianta ufficiale ATM Milano
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →